Rusiyanın kritik infrastrukturlara hücumu nəticəsində Ukraynanın paytaxtı Kiyevin təxminən 50%-i işıqsız qalıb.
Press.az xəbər verir ki, bu barədə Kiyev Şəhər Hərbi Administrasiyası məlumat yayıb.
Məlumata görə, hazırda xüsusi briqadalar şəhərin istilik sistemini bərpa etmək üçün aktiv şəkildə işləyirlər.
Qeyd edək ki, çərşənbə günü Rusiyanın mühüm infrastruktur obyektlərinə həyata keçirdiyi hücum Ukraynanın əksər elektrik stansiyalarının müvəqqəti dayanmasına səbəb olub.
Nəticədə əhalinin əksəriyyəti işıqsız qalıb. Ukrayna silahlı qüvvələrinin məlumatına görə, ruslar çərşənbə günü 70 raket atıb
Onlardan 51-i Ukrayna hərbçiləri tərəfindən vurulub.