DÇ-2022: Qətər millisi mundiallar tarixində ilk qolunu vurdu

Futbol üzrə Qətər millisi dünya çempionatları tarixində ilk qolunu vurub.

Press.az xəbər verir ki, Asiya təmsilçisi ev sahibliyi etdiyi mundialda Seneqala 1:3 hesabı ilə uduzduqları A qrupunun II tur oyununda fərqlənib.

Yığmanın tarixi qolunun müəllifi isə Məhəmməd Muntari olub. 29 yaşlı hücumçu qarşılaşmanın 78-ci dəqiqəsində topu rəqib qapısından keçirib.

Qeyd edək ki, Qətər yığması qrupun ilk matçında Ekvadora 0:2 hesabı ilə məğlub olub.