Ankara İsveç və Finlandiyaya yenə şərt qoydu

Türkiyənin hakim Ədalət və İnkişaf Partiyasının (AK Parti) rəsmi nümayəndəsi Ömər Çelik növbəti dəfə İsveç və Finlandiyadan real addımlar gözlədiklərini bəyan edib.

Press.az xəbər verir ki, hakim Partiyanın rəsmisi bildirib ki, rəsmi Ankara sözünün üstündə durmayan çoxlu ölkələr görüb

“Ona görə də, Türkiyə terrorla mübarizədə real addımları görəndə İsveç və Finlandiyanın NATO-ya qəbulunu təsdiq edəcək", - deyə Çelik bildirib.

Xatırladaq ki, iyunun 28-də Madriddə NATO sammiti başlamazdan əvvəl Türkiyə lideri Rəcəb Tayyib Ərdoğan, Finlandiya prezidenti Sauli Niinistö, o vaxt İsveçin baş naziri Maqdalena Andersson və NATO-nun baş katibi Yens Stoltenberq arasında danışıqlar aparılıb. Stokholm və Helsinkinin NATO-ya daxil olmasına icazə verən memorandum imzalanıb.