Azərbaycan Mədəniyyət Nazirliyi və Azərbaycan Bəstəkarlar İttifaqının birgə təşəbbüsü ilə 10 - 11 noyabr tarixlərində "Zəfər bayramı"na həsr olunmuş "Gənc bəstəkarların yeni əsərlərindən ibarət plenum" təşkil edilib.
Press.az xəbər verir ki, plenum çərçivəsində iki konsert və müzakirə keçirilib.
Plenumun birinci konsertində Pikə Axundovanın - "İstiqlal" , Sevinc Əliyeva - Qəmbərovanın "Prelüdlər" ,Vəfa Bağırzadənin "Yurd harayı" , Elvin Quliyevin "Skertso" , Azər Hacıəsgərlinin "Üç havanın rəqsi" , Yusif Bayramovun "Contradictio in andjecto" , Aydan Əliyevanın "Sonata" , İlahə Qismətin "World of Nasimi" , Tural Məmmədlinin "Qəbirdən Vətən" kamera - instrumental əsərləri səsləndrilmişdir.
Plenumun İkinci konsertində gənc bəstəkarların kamera - vokal əsərləri səsləndrilmişdir. Proqramda Vəfa Bağırzadənin "Azərbaycan" (söz: N.Həsənzadə) , Elvin Quliyevin "Qayıt Vətənə" (söz: O. Rza) , "Gəlmişəm" (söz: R. Babaxan) , Rəcəb Zeynalov "Bir nağıl gecəsi" və "Bağışla" (söz: N. Kəsəmənli), Qumru İmamverdiyevanın "Söylə" və "Sən və mən" , Sevinc Əliyeva - Qəmbərovanın "Azərbaycan bayrağı" (söz: R.Qusarçaylı) romansları səsləndrilmişdir
Hər iki konsert proqramı böyük maraqla qarşılanmışdır.