Azərbaycan tarixi qərar qəbul edib - İsrail XİN

"Azərbaycanın səfirliyi əhalisinin çoxunun şiə olduğu müsəlman ölkəsinin İsraildə ilk səfirliyi olacaq"

Press.az xəbər verir ki, bu barədə İsrail Xarici İşlər Nazirliyi (XİN) məlumat yayıb.

"Azərbaycan parlamenti bu gün Azərbaycanın İsraildə, Təl-Əvivdə səfirliyinin açılması ilə bağlı tarixi qərar qəbul edib. Azərbaycanın ölkəmizdə səfirlik açması tarixi qərardır",- deyə XİN-dən bildirilib.

Qeyd edək ki, Azərbaycanın İsraildə səfirliyi təsis ediləcək. Milli Məclisin bu gün keçirilən iclasının gündəliyinə "Azərbaycan Respublikasının İsrail Dövlətində (Tel-Əviv şəhərində) Səfirliyinin təsis edilməsi haqqında" qanun layihəsi əlavə olunub.