First slide

Prezident: "Azərbaycan və Avropa İttifaqı arasında əməkdaşlığın məzmunu olduqca genişdir"

17 Nov 2022 rating_stars rating_stars rating_stars rating_stars rating_stars

"Azərbaycan və Avropa İttifaqı arasında əməkdaşlığın məzmunu olduqca genişdir".

Press.az xəbər verir ki, bu barədə Prezident İlham Əliyev Avropa İttifaqının Şərq Tərəfdaşlığı üzrə xüsusi elçisi Dirk Şuebelin rəhbərlik etdiyi nümayəndə heyəti ilə görüşündə bildirib.

Dövlət başçısı qeyd edib ki, Azərbaycan Şərq Tərəfdaşlığı proqramını əvvəlindən güclü şəkildə dəstəkləyib:

"Biz müxtəlif sahələrdə - siyasi, iqtisadi, enerji, humanitar və digər sahələrdə əməkdaşlığımızın səviyyəsindən çox məmnunuq. Şərq Tərəfdaşlığı proqramının əvvəlindən Azərbaycan onu güclü şəkildə dəstəklədi və Zirvə görüşləri daxil olmaqla müxtəlif tədbirlərdə fəal iştirak etdi.

Şərq Tərəfdaşlığı proqramının müasirləşdirilməsinin və görülən işlərin nəzərdən keçirilməsinin vaxtı çatdığını qeyd edən dövlətimizin başçısı deyib: “Bu proqramın yaradılmasından on ildən çox keçir və Şərq Tərəfdaşlığına üzv ölkələr öz seçimlərini ediblər. Bəziləri Assosiasiya Sazişini imzalayıb, digərləri Avrasiya İqtisadi İttifaqına üzv olub. Azərbaycan yeganə ölkədir ki, heç bir formata qoşulmayıb. İqtisadi göstəricilərimiz, siyasi və iqtisadi sabitlik və əlbəttə ki, ərazilərimizin azad olunması xarici siyasətimizin praqmatizm üzərində qurulduğunu və hədəfə hesablanmış olduğunu nümayiş etdirir”.

Prezident İlham Əliyev vurğulayıb ki, başlıca hədəf Azərbaycanın ərazi bütövlüyünün bərpa edilməsi idi və biz buna iki il əvvəl nail olduq.

 

 

Oxşar xəbərlər
OTACI