"Azərbərpa Elmi-Tədqiqat Layihə İnstitutu"nun rəhbərliyində dəyişiklik olub

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin nəzdindəki "Azərbərpa Elmi-Tədqiqat Layihə İnstitutu" MMC-nin direktoru Telman Kərimli vəzifəsindən azad edilib.

Press.az xəbər verir ki, İnstituta rəhbərlik müvəqqəti olaraq onun müavini Ramin Vəliyevə həvalə olunub.

Xatırladaq ki, "Azərbərpa Elmi-Tədqiqat Layihə İnstitutu" kommersiya qurumu kimi 1994-cü ildə yaradılıb. Onun nizamnamə kapitalı 100 manatdır. İnstitut tarixi abidələrin bərpası istiqamətində yeganə elmi-tədqiqat təşkilatıdır.