Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

Emin Əmrullayev bir qrup təhsil işçisini təltif edib

05 Oct 2022 rating_stars rating_stars rating_stars rating_stars rating_stars

Azərbaycanda 174 təhsil işçisi Elm və Təhsil Nazirliyi tərəfindən təltif edilib.

Press.az xəbər verir ki, bununla bağlı elm və təhsil naziri Emin Əmrullayev əmr imzalayıb.

Onlar təhsilin inkişafındakı xidmətlərinə, gənc nəslin təlim-tərbiyəsi sahəsində yüksək nailiyyətlər əldə etdiklərinə görə 5 oktyabr - Beynəlxalq Müəllimlər Günü münasibətilə təltif olunublar.

Təhsil işçilərinin 58-i "Azərbaycan Respublikası qabaqcıl təhsil işçisi" döş nişanına, 116-sı isə "Azərbaycan Respublikası Elm və Təhsil Nazirliyinin Fəxri Fərmanı"na layiq görülüb.

Xatırladaq ki, oktyabrın 4-də Prezident İlham Əliyevin müvafiq sərəncamları ilə Azərbaycan təhsilinin inkişafında xidmətlərinə görə 51 müəllim “Əməkdar müəllim” fəxri adına, 71 təhsil işçisi “Tərəqqi” medalına layiq görülüb. Həmçinin beynəlxalq və respublika fənn olimpiadalarının keçirilməsində və şagirdlərin hazırlığı sahəsində xüsusi nailiyyətləri ilə fərqlənən 3 təhsil işçisi “Əməkdar müəllim” fəxri adına, 8 təhsil işçisi “Tərəqqi” medalına layiq görülüb.

Oxşar xəbərlər
OTACI