ABŞ bu həftə İran rəsmilərinə sanksiyalar tətbiq edəcək - Ağ Ev açıqladı

ABŞ hökuməti etirazçılara qarşı zorakılıqda iştirak edən İran rəsmilərinə qarşı sanksiyalar tətbiq edəcək.

Press.az Azpost.info -a istinadən xəbər verir ki, bu barədə ABŞ prezidenti Co Baydenin Ağ Evin saytında dərc olunmuş bəyanatında deyilir.

“Mən İranda bərabər hüquqlar və insan ləyaqətinə hörmət tələb edən tələbələr və qadınlar da daxil olmaqla, bütün dinc nümayişlərə qarşı şiddətli basqıların güclənməsi ilə bağlı xəbərlərdən dərin narahatam”, – Bayden bildirib.

Ağ Ev sanksiyaların bu həftə tətbiq ediləcəyini açıqlayıb.