"Fənərbaxça" azarkeşləri derbiyə buraxılmayacaqlar

Türkiyə Ssuperliqasının 8-ci turunda keçiriləcək "Beşiktaş" - "Fənərbaxça" oyununu qonaq komandanın azarkeşləri stadiondan izləyə bilməyəcəklər.

Press.az xəbər verir ki,  bu barədə "Beşiktaş" klubu açıqlama yayıb. Aparılan danışıqlardan sonra İlçe İdman Təhlükəsizlik Şurası "Fənərbaxça" fanatlarının derbidə iştirak etməməsi qərarına gəlib. Klublar isə bunun üzərində razılaşıblar. Ona görə də "Vodafon Park" stadionunda keçiriləcək görüş üçün qonaq komanda azarkeşlərinə görə nəzərdə tutulan biletlər "Beşiktaş" tərəfdarlarına satılacaq.

Bildirilir ki, mövsümün ikinci yarısında oynanılacaq "Fənərbaxça" - "Beiktaş" matçına "Beşiktaş" fanatlarının buraxılmayacağı gözlənilir.

Qeyd edək ki, oktyabrın 2-də keçiriləcək "Beşiktaş" - "Fənərbaxça" qarşılaşması Bakı vaxtı ilə saat 21:00-da başlayacaq.