Milan Şkrinyar: "Azərbaycanla oyunda taktiki gedişlər bizə lazım ola bilər"

"Məşqçi bizim hərəkətli olmağı, çox qaçmağı tapşırıb. Bu, bəzi oyunçular üçün yenilikdir".

Press.az xəbər verir ki, bu sözləri Slovakiya millisinin futbolçusu Milan Şkrinyar sabah Millətlər Liqasının 5-ci turunda Azərbaycanla keçirəcəkləri matçdan öncə təşkil olunan mətbuat konfransında deyib. O, görüş haqqında söyləyib:

“Çox sayda taktiki gedişlərimiz var. Biz onların hamısının üzərində çalışmışıq. Çünki bütün bunlar bizə lazım ola bilər”.

Şkrinyar millinin yeni baş məşqçisi Françesko Kalzona ilə anlaşa bildirklərini də deyib: “Yeni məşqçi ilə anlaşmada problem yoxdur. Tərcüməçi kömək edir. Onun işi çox olanda biz – İtaliyada oynayan futbolçular tərcümədə futbolçulara yardımçı oluruq".

Qeyd edək ki, sabah keçiriləcək Slovakiya – Azərbaycan görüşü Bakı vaxtı ilə saat 22:45-də başlayacaq.