Bu ilin yay aylarında Şabran rayonunun yanğına məruz qalmış meşə fondu ərazisində artıq təbiət özünü sürətlə bərpa edir.
Press.az xəbər verir ki, bunu Meşələrin İnkişafı Xidmətinin rəsmisi Vahid Fərzəliyev Manset.az-a bildirib.
Onun sözlərinə görə, yanmış meşə fondu ərazisinin 24 hektar sahəsində artıq təbii bərpa prosesi müşahidə olunur.
“Ərazidə cücərən ağqovaq ağaclarının hündürlüyü 0,50 – 1 metrə çatıb. Ərazidə təbii bərpanın mal-qaradan mühafizəsi məqsədilə çəpərləmə işləri aparılır”.