First slide

Universitetlərdən birində müəllimlərin əməkhaqqıları 50 faiz artırılıb

19 Sep 2022 rating_stars rating_stars rating_stars rating_stars rating_stars

Azərbaycan Dövlət İqtisad Universitetində (UNEC) saathesabı dərs deyən müəllimlərin əməkhaqqıları 50 faiz artırılıb.

Bu barədə “Report”a Universitetdən məlumat verilib.

Bildirilib ki, UNEC-də saathesabı qaydada dərs deyən müəllimlərin sosial rifahının yüksəldilməsi, maddi durumunun yaxşılaşdırılması və fəaliyyətlərinin stimullaşdırılması məqsədilə əməkhaqqıları artırılıb.

UNEC-in Elmi Şurası saathesabı qaydada aparılan dərslərə görə (Beynəlxalq İqtisadiyyat Məktəbi (ISE), SABAH mərkəzi, BMDM, UNEC Biznes Məktəbi istisna olmaqla) müəllimlərə ödənilən məbləğin 2022/2023-cü tədris ilindən 50 faiz artırılması barədə qərar qəbul edib.

Beynəlxalq Magistratura və Doktorantura Mərkəzində isə saathesabı qaydasında aparılan dərslərin hər saatına görə ödənişin məbləği 22 manatdan 27 manatadək yüksəldilib.

Oxşar xəbərlər
OTACI