First slide

Qırğızıstan və Tacikistan sərhəddəki vəziyyətlə bağlı danışıqlara BAŞLADI

17 Sep 2022 rating_stars rating_stars rating_stars rating_stars rating_stars

Qırğızıstan və Tacikistan sərhəddəki vəziyyətlə bağlı danışıqların yeni raundu üçün hazırlıqlara başlayıb. 

Prees.az xəbər verir ki, bu barədə “İnterfaks”a Qırğızıstan Dövlət Milli Təhlükəsizlik Komitəsinin mətbuat xidmətindən məlumat verilib.

“Qırğızıstan-Tacikistan sərhədindəki vəziyyətin nizamlanması üçün yeni danışıqlar Tacikistanın Soqd vilayətinin İsfara rayonunun Kulkənd kəndində aparılır”, - deyə məlumatda bildirilir.

İclasda iki ölkənin xüsusi xidmət orqanlarının rəhbərləri - Kamçıbek Taşiyev və Saymumin Yatimov iştirak edir.

Sentyabrın 17-də Qırğızıstanın Tacikistanla həmsərhəd olan Batken vilayətində fövqəladə vəziyyət rejimi tətbiq edilib. Hakimiyyət bu addımı Tacikistan tərəfi ilə toqquşmadan sonra atıb. Qırğızıstan-Tacikistan sərhədində silahlı toqquşmalar sentyabrın 14-ü səhər saatlarında başlayıb. Tərəflər bir-birini top atəşinə tutmaqda ittiham ediblər.

Oxşar xəbərlər
OTACI