"Qarabağ" - "Nant" oyunu ilk "5-lik"də

Avropa Liqasında qrup mərhələsinin 2-ci turunun oyunlarınından sonra matçları tribunalardan izləyən azarkeşlərin sayı açıqlanıb.

Press.az xəbər verir ki, ilk "5-lik"də Bakıda keçirilən "Qarabağ" - "Nant" görüşü (3:0) də yer alıb. Tofiq Bəhramov adına Respublika stadionundakı oyunu tribunalardan 26 min 495 azarkeş izləyib. Bu matç siyahıda 5-ci pillədə qərarlaşıb.

1-ci yerdə İtaliyada keçirilən "Roma" - HİK oyunudur, 2-ci yerdə isə "Betis" - "Ludoqorets" qarşılaşması olub.

"5-lik" isə belədir:

"Roma" (İtaliya) - HİK (Finlandiya) - 3:0 (60 min 193 azarkeş)
"Betis" (İspaniya) - "Ludoqorets" (Bolqarıstan) - 3:2 (43 min 113 azarkeş)
"Feyenoord" (Niderland) - "Şturm" (Avstriya) - 6:0 (30 min 25 azarkeş)
"Real Sosyedad" (İspaniya) - "Omoniya" (Kipr) - 2:1 (28 min 587 azarkeş)
"Qarabağ" (Azərbaycan) - "Nant" (Fransa) - 3:0 (26 min 495 azarkeş).