Bu ölkə də ruslara viza verməkdən imtina edir

Polşada artıq ruslara viza verməkdən imtina konsepsiyası üzərində işləyirlər. Bu məsələ ilə bağlı qərarın yaxın həftələrdə veriləcəyi gözlənilir.

Press.az xəbər verir ki, bu barədə Polşa xarici işlər nazirinin müavini Pyotr Vavjik deyib.

“Polşa xüsusilə Rusiya vətəndaşları üçün viza rejiminin sadələşdirilməsi sazişinin dayandırılması ilə bağlı Aİ sanksiyalarının uzadılmasının tərəfdarıdır. Amma Aİ ölkələrinin heç də hamısı bununla razı deyil. Buna Almaniya, Fransa və Niderland da daxil olmaqla əsas üzv ölkələr qarşı çıxır”, - nazir müavini bildirib.