Ronaldo baş məşqçinin əlini sıxmaqdan imtina etdi

“Mançester Yunayted”in hücumçusu Kriştiano Ronaldo İngiltərə Premyer Liqasının 2-ci turunda “Brentford”a 0:4 hesabı ilə uduzduqları oyundan sonra baş məşqçi Erik ten Haqla əl sıxmaqdan imtina edib.

Press.az "Manchester Evening News"a istinadən xəbər verir ki,  matç başa çatdıqdan sonra o, azarkeşlərə yaxınlaşmayıb, məşqçinin əlini sıxmayaraq dərhal tribunaların altındakı otağa keçib.

Qeyd edək ki, Ronaldo sözügedən görüşdə 90 dəqiqə meydanda olub.