"Emrelini tezliklə meydanda görə bilərik" - "Dinamo"nun baş məşqçisi

Zaqreb "Dinamo"sunun baş məşqçisi Ante Çaçiç komandanın zədəli futbolçusu Mahir Emrelinin durumu barədə danışıb.

Press.az xəbər verir ki, o, yerli mətbuata açıqlamasında millimizin hücumçusunun tezliklə sıraya dönəcəyini bildirib:

"Emreli müalicənin diaqnostika mərhələsini tamamlayıb. O, tam hazır olması üçün maksimum səy göstərir. Emrelini tezliklə meydanda görə bilərik".

Qeyd edək ki, Mahir Emreli "Dinamo"nun  Xorvatiya çempionatının 3-cü turunda evdə "İstra 1961"ə 4:1 hesabı ilə qalib gəldikləri matçda zədələnib.