Arvadını öldürən ər özünü belə ələ verdi

Türkiyənin Konya şəhərində ərlə arvadın mübahisəsi cinayətlə nəticələnib.

Press.az xəbər verir ki, Konya sakini Bayram Süner həyat yoldaşı Fadim Süneri sinəsindən güllələyərək öldürüb. O, arvadının cəsədini evin zirzəmisində gizlədib.

Bayram Süner daha sonra evdən çıxaraq əkin sahəsinə gedib və bir müddət orada işləyib. Hadisədən bir neçə saat keçdikdən sonra Süner arvadının yoxa çıxdığını deyərək, yaxınlıqdakı təhlükəsizlik kameralarına baxılmasını xahiş edib. Obyekt sahibi jandarmanın icazəsi olmadan kamera görüntülərinə baxa bilməyəcəklərini deyib. Həmin şəxs Bayram Sünerin özünü şübhəli apardığını düşünərək, jandarma müraciət edib.

Nəticədə qatil ərin yaşadığı evə baxış keçirən jandarma əməkdaşları zirzəmidə gizlədilən meyiti aşkar ediblər. Törətdiyi cinayətin üstü açılan Bayram Süner saxlanılaraq istintaqa cəlb olunub.

modern.az