“Feyenoord” heyətini yeni futbolçu ilə gücləndirib.
Press.az xəbər verir ki, Erediviziya təmsilçisi “Sevilya”dan Usama İdrissini transfer edib.
Bu barədə Niderland klubunun mətbuat xidməti məlumat yayıb. 26 yaşlı vinger 2022/2023 mövsümünü icarə əsasında “Feyenoord”da keçirəcək.
Qeyd edək ki, mərakeşli futbolçu 2020-ci ilin oktyabrında 12 milyon avro qarşılığında “Alkmaar”dan “Sevilya”ya keçib. O, daha sonra “Kadis” və “Ayaks”a icarəyə verilib.