First slide

Nazirliyə verilən institutlarda AMEA-nın hansı səlahiyyətləri qalıb? - İsa Həbibbəyli təcili iclasdan DANIŞDI

29 Jul 2022 rating_stars rating_stars rating_stars rating_stars rating_stars

“AMEA-nın Rəyasət Heyətinin bugünkü toplantısında ölkə başçısının fərmanı ilə akademiyanın tərkibində olan institutların Elm və Təhsil Nazirliyinə verilməsi ilə bağlı bir sıra məsələlər müzakirə edilib”.

Press.az Oxu.Az-a istinadla xəbər verir ki, bu fikirləri AMEA-nın vitse-prezidenti İsa Həbibbəyli jurnalistlərə açıqlamasında deyib.

O bildirib ki, akademiyanın tərkibində olan institutların idarəsi daha çox elm və təhsil institutunun üzərinə düşür:

“İdarəçilik nazirliyə verilsə də, onlara elmi-metodiki dəstəyi göstərmək akademiyanın səlahiyyətləri sırasındadır. Elmi istiqamətlərin verilməsini, prioritetlərin müəyyən edilməsini AMEA həyata keçirəcək.

Eyni zamanda AMEA bundan sonrakı fəaliyyəti dövründə elm sahəsində qiymətləndirmə, ekspertiza məsələlərini ölkə üzrə həyata keçirmək səlahiyyətlərini də qoruyub saxlayıb. Belə ki, AMEA bununla bağlı işləri təkcə öz tabeliyində olan qurumlarda deyil, digər institutlarda da həyata keçirmək səlahiyyətinə malikdir”.

O əlavə edib ki, AMEA-nın tabeliyində qalan institutlar isə akademiyanın müvafiq qurumları tərəfindən idarə ediləcək.

Oxşar xəbərlər
OTACI