Bakıda 25 yaşlı gənc beşinci mərtəbədən yıxılıb

Bakının Nizami rayonunda 25 yaşlı oğlan ehtiyatsızlıqdan yaralanıb.

Press.az Lent.az-a istinadla xəbər verir ki, hadisə Nizami rayonunda baş verib.

Belə ki, Qara Qarayev prospektində yerləşən beşmərtəbəli binada yaşayan 1997-ci il təvəllüdlü Səmədbəyli Fərid Şahin oğlu beşinci mərtəbənin eyvanında ehtiyatsız davrandığına görə yıxılıb.

O, bədənin müxtəlif nahiyələrindən sınıq xəsarətləri alıb. Yaralı ağır vəziyyətdə 3 saylı Şəhər Klinik Xəstəxanasına yerləşdirilib.