"Cəbrayıl" UEFA Region Kubokunda mübarizəni dayandırdı

UEFA Region Kubokunda mübarizə aparan “Cəbrayıl”  bu gün ilkin seçmə mərhələnin 2-ci qrupunda növbəti oyununa çıxıb.

Press.az xəbər verir ki, təmsilçimiz Şamaxı şəhər stadionunda keçirilən oyunda Belarusun “Kolos” komandası ilə qarşılaşıb. Oyun rəqibin 6:2 hesablı qəlbəsi ilə başa çatıb.

Bu komandalar arasında iyunun 24-də keçirilən ilk qarşılaşma 2:1 hesabı ilə Belarus təmsilçisinin xeyrinə başa çatıb. 

Beləliklə, Azərbaycan təmsilçisi turnirlə vidalaşıb. "Kolos" isə finala yüksəlib. Belarus klubu finalda 1-ci qrupun qalibi ilə üz-üzə gələcək. Bu ya, Gürcüstanın “Basiani”,klubu ya da Estoniya təmsilçisi “Tallinna Zapoos” olacaq.

26 iyun 

16:00. “Cəbrayıl” - “Kolos” - 2:6

Qollar: Məhəmməd Xəlilov, 10, Rəşad Həmidov, 30 - Mikalai Hurnoviç, 5, Slarhei Lizunou, 31, 61, 77,  Dzianis Simançuk, 72, Mixail Karatkeçiv, 86

Baş hakim: David Smayc (Sloveniya)
Şamaxı şəhər stadionu