Zaqatalada 25 sürücü cərimələndi

Zaqatala Rayon Polis Şöbəsinin Dövlət Yol Polisi Bölməsinin əməkdaşları yol hərəkətinin təhlükəsizliyinin təmin edilməsi, sürücülər tərəfindən qaydalara riayət olunmasına nəzarətin gücləndirilməsi məqsədi ilə şəhər ərazisində növbəti profilaktik tədbir keçiriblər.

DİN-in Mətbuat Xidmətinin Şəki regional qrupundan Press.az-a verilən məlumata görə, keçirilən tədbir zamanı nəqliyyat vasitəsində konstruksiya dəyişikliyinə yol verən, təhlükəli manevrlər etməklə özü ilə yanaşı digər hərəkət iştirakçılarının da sağlamlığı üçün təhlükə yaradan, eləcə də təhlükəsizlik kəmərindən istifadə etməyən sürücülər yol polisi əməkdaşları tərəfindən müəyyən olunub.

Onlarla izahedici söhbətlər aparılıb və ümumilikdə 25 sürücü barəsində inzibati protokol tərtib edilib.