First slide

Gəncədə kişi arvadını qətlə yetirib - YENİLƏNİB

23 Jun 2022 rating_stars rating_stars rating_stars rating_stars rating_stars

İyunun 23-ü saat 17 radələrində Gəncə şəhər sakini, 1997-ci il təvəllüdlü Aynurə Bayramovanın aldığı xəsarətlərdən xəstəxanada ölməsi barədə şəhər prokurorluğuna məlumat daxil olub.

Press.az xəbər verir ki, bu barədə "Report"a Gəncə Şəhər Prokurorluğundan məlumat verilib.

Bildirilib ki, aparılmış ilkin araşdırmalarla zərərçəkmişin əri 1985-ci il təvəllüdlü Rauf Vəliyevin şəxsi münasibətlər zəminində aralarında yaranmış mübahisə zamanı Aynurə Bayramovaya bıçaqla çoxsaylı xəsarətlər yetirməsi və sonuncunun almış olduğu xəsarətlərdən xəstəxanada ölməsinə əsaslı şübhələr müəyyən edilib.

Faktla bağlı Gəncə Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Rauf Vəliyev şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.

16:24

Gəncə şəhərində qadın boğazından bıçaqlanaraq öldürülüb.

"Report"un Qərb bürosunun məlumatına görə, hadisə şəhərin Şah İsmayıl Xətai prospektində qeydə alınıb.

Belə ki, 1997-ci il təvəllüdlü Aynur Vəliyeva boğaz nahiyəsindən bir bıçaq xəsarəti alıb. Daha sonra o, xəstəxanaya aparılıb. Lakin qadının həyatını xilas etmək mümkün olmayıb.

A.Vəliyevanın keçmiş həyat yoldaşı tərəfindən öldürüldüyü bildirilir.

Faktla bağlı Gəncə Şəhər Prokurorluğunda Cinayət Məcəlləsinin müvafiq maddəsi ilə cinayət işi başlanılıb, istintaq aparılır.

 

Oxşar xəbərlər
Category news

tr_star

29 Jun 2022

OTACI