Salyanda yol qəzası nəticəsində iki nəfər xəsarət alıb.
Press.az “Report”a istinadla xəbər verir ki, hadisə Aşağı Kürkənd kəndində, Kür çayı üzərindəki körpünün üzərində qeydə alınıb.
Belə ki, “VAZ-2106” markalı avtomobil “VAZ-2107” markalı avtomobillə toqquşub. Qəza nəticəsində rayonun Cəngan kənd sakini, 1986-cı il təvəllüdlü Məmmədov Vüqar Qardaş oğlu və daha bir nəfər müxtəlif dərəcəli xəsarətlər alıb.
V.Məmmədov Salyan Mərkəzi Rayon Xəstəxanasına çatdırılıb, digər yaralının xəsarəti yüngül olduğundan ilk tibbi yardımdan imtina edib.
Faktla bağlı araşdırma aparılır.