"Real" Haalanddan əl çəkmir

"Real" "Mançester Siti" ilə müqavilə imzalayan Erlinq Haalandı transfer etmək fikrindən əl çəkmir.

Press.az xəbər verir ki, bu barədə AS məlumat yayıb. Madrid təmsilçisi 21 yaşlı hücumçunu 2024-cü ildə heyətinə qatmaq üçün hazırlaşır. "Real" hesab edir ki, Haaland  futbolçusu Kərim Benzema üçün ən yaxşı əvəzedicidir. Daha əvvəl bildirilmişdi ki, Haalandı almaq variantı 150 milyon avro təzminat ödəməklə aktivləşdirilə bilər.

Qeyd edək ki, Haaland mayın 10-da "Borussiya"dan (Dortmund) "Mançester Siti"yə keçib. O, Premyer Liqa təmsilçisi ilə 5 illik müqavilə imzalayıb.