Donetsk "Şaxtyor"unun futbolçusu David Neres klubunu dəyişib.
Press.az "A Bola"ya istinadən xəbər verir ki, braziliyalı yarımmüdafiəçi "Benfika" ilə anlaşıb. Tərəflərin 5 illik müqavilə imzalayacağı bildirilib.
Bu gün futbolçunun tibbi müayinədən keçəcəyi gözlənilir.
Qeyd edək ki, Braziliya millisinin üzvü bu ilin yanvarında "Ayaks"dan "Şaxtyor"a keçmişdi. Ancaq Ukrayandakı hərbi vəziyətə görə o, komandanı tərk edib.