İbrahimoviç uzun müddətlik sıradan çıxdı

"Milan"ın hücumçusu Zlatan İbrahimoviç sol dizindən əməliyyat olunub.

Press.az xəbər verir ki, bu barədə klubun saytı məlumat yayıb. "Milan" əməliyyatın yaxşı keçdiyini bildirib. 40 yaşlı futbolçunun 7-8 ay oynamayacağı vurğulanıb.

Qeyd edək ki, oktyabrda 41 yaşı tamam olacaq Zlatanın klubla müqaviləsi iyunun 30-na kimidir. İsveçli hücumçu A seriyasında başa çatan mövsümdə  23 matçda 8 qol vurub.