Liqa 1 komandası "Lill"də çıxış edən Burak Yılmaz sabah "Renn"i qəbul edəcəkləri mövsümün son oyunundan sonra komandadan ayrılacağını açıqlayıb.
Press.az xəbər verir ki, Yılmaz İnstaqram hesabında "Sabah Lilldəki son oyunumdur. İki gözəl il keçirdik və iki gözəl kubok qazandıq. Hər şey üçün təşəkkür edirəm. Sizi unutmayacağam" sözlərini paylaşıb.
2020-ci ildə "Lill"ə keçən 36 yaşlı hücumçu komandası ilə Liqa 1 və Fransa Superkubokunun qalibi olub.
Təcrübəli futbolçu “Lill”in heyətində 72 oyun keçirib və 25 qola imza atıb.
Zeynab Hüseyn