First slide

Rusiya bütün Ukraynanı ələ keçirmək istəyib: Sumıda sənədlər tapıldı

11 May 2022 rating_stars rating_stars rating_stars rating_stars rating_stars

Rusiya Federasiyası bütün Ukraynanı ələ keçirməyə hazırlaşırmış. Bu barədə Dövlət İstintaq Bürosunun müstəntiqlərinin Sumı vilayətində tapdığı rusiyalı hərbçilərə məxsus sənədlərdən məlum olub.

Press.az Oxu.aza istinadən xəbər verir ki, Ukrayna hüquq mühafizə orqanından bildirilib ki, Trostyanets şəhərində rusiyalı hərbçilər tərəfindən faktiki dağıdılmış şəhərin 2 min hektardan çox ərazisinə baxış keçirilib, Rusiya hərbçilərinin şəxsi əşyaları və sənədləri müsadirə edilib. Onların arasında bütün Ukraynanın işğalı ilə bağlı planlar da olub.

Dövlət İstintaq Bürosu onu da bildirib ki, istintaq hərəkətləri zamanı rusiyalı hərbçilərin mülki şəxslərə işgəncə verdiyi yerlər müəyyən edilib, sakinlərin qanunsuz həbsi və işgəncələrə məruz qalması ilə bağlı ən azı 34 fakt qeydə alınıb.

Hadisə yerindən dəyənəklər, əl qandalları, metal sancaqlar və zərərçəkmişlərin qan izləri olan paltarları aşkar edilib. Bundan başqa ərazidən ikisi uşaq olmaqla 23 nəfərin cəsədi eksqumasiya edilib.

Oxşar xəbərlər
OTACI