"Bavariya"nın futbolçusuna 3 oyunluq cəza

"Bavariya"nın hücumçusu Kinqsli Koman 3 oyunluq cəzalanıb.

Press.az Almaniya Futbol Assosiasiyasının rəsmi saytı xəbər verir ki, fransalı futbolçu Bundesliqanın 33-cü turunun “Ştutqart”la oyununda (2:2) aldığı qırmızı vərəqəyə görə belə cəza alıb.

Koman görüşün sonunda “Ştutqart”ın müdafiəçisi Konstantinos Mavropanosun üzünə zərbə endirərək meydandan kənarlaşdırılıb.

Beləliklə, Koman mövsümün son turunun "Volfsburq"la (14 may) matçını buraxacaq, həmçinin növbəti mövsüm iki oyunda iştirak etməyəcək.