"Barselona"nın müdafiəçisi Dani Alves La Liqada 100-cü qol ötürməsini verib.
Press.az COPE-yə istinadən xəbər verir ki, 39 yaşlı oyunçu 35-ci turda keçirilən "Betis"la matçda (2:1) qələbə qolunun ötürməsinin müəllifi olub.
Braziliyalı oyunçu son 30 il ərzində (müvafiq statistik məlumatlar nəzərə alındığı vaxtdan) 100 qol ötürməsi səddinə çatan 3-cü oyunçu olub.
Qeyd edək ki, siyahıya Lionel Messi ("Barselona"nın sabiq hücumçusu, 189 qol ötürməsi) başçılıq edir. Luiş Fiqu ("Barselona" və "Realın sabiq hücumçusu, 107 qol ötürməsi) 2-cidir.