Dadaşovdan qələbə qolu

Almaniyanın Qərb Regional Liqasında 37-ci turun bəzi oyunları keçirilib.

Press.az xəbər verir ki, Azərbaycan yığmasının hücumçusu Rüfət Dadaşovun da çıxış etdiyi “Şalke-2” səfərdə "Uerdinqen"lə qarşılaşıb və 4:3 hesabı ilə qalib gəlib.

R.Dadaşov 74-cü dəqiqədə meydana daxil olub. O, 80-ci dəqiqədə komandasının sonuncu - qələbə qolunu vurub. Bu, onun 2021/2022 mövsümündə "Şalke-2"də 10-cu qolu olub.

Qeyd edək ki, "Şalke-2" hazırda 44 xalla 20 komanda arasında 11-ci pillədə qərarlaşıb.