Mahirin komandası mərkəzi oyuna çıxır

Millimizin futbolçusu Mahir Emrelinin formasını geyindiyi Zaqreb "Dinamo"su bu gün Xorvatiya çempionatında 34-cü tur oyununa çıxacaq.

Press.az xəbər verir ki, komanda turun mərkəzi görüşündə "Osiyek"i qəbul edəcək. Matç Bakı vaxtı ilə saat 22:00-da başlayacaq
 
Qeyd edək ki,  hazırda 70 xalı olan Zaqreb təmsilçisi hazırda turnir cədvəlinin 1-ci pilləsində qərarlaşıb. "Hayduk" 66 xalla 2-ci, "Osiyek" 65 xalla 3-cüdür.

Xatırladaq ki, fevral ayından bu komandada oynayan Mahir Xorvatiya çempionatında 8 matçda 2 qol vurub.