First slide

Corc Buş: “Zelenski zəmanəmizin Çörçilidir” - FOTO

06 May 2022 rating_stars rating_stars rating_stars rating_stars rating_stars

ABŞ-ın sabiq dövlət başçısı Corc Buş Ukrayna Prezidenti Volodimir Zelenskini İkinci Dünya müharibəsi zamanı Böyük Britaniyanın baş naziri olmuş Uinston Çörçillə müqayisə edib.

O, bu barədə özünün “Instagram” hesabında yazıb.

“Mən Prezident Zelenski ilə - zəmanəmizin Uinston Çörçili ilə bir neçə dəqiqə danışmaq şərəfinə nail oldum”, - deyə o yazıb.

Buş vurğulayıb ki, o, Ukrayna xalqının cəsarətini alqışlayır, həmçinin liderliyinə, nümunəsinə və azadlığa sadiqliyinə görə Zelenskiyə təşəkkür edib.

Onun sözlərinə görə, Zelenski ukraynalıların Putinin barbarlığı və quldurluğu ilə mübarizədə tərəddüd etməyəcəklərinə onu əmin edib.

“Amerikalılar onların ruhunun gücündən və möhkəmliyindən ilham alırlar. Biz öz azadlıqları üçün mübarizə aparan ukraynalıları dəstəkləməyə davam edəcəyik”, - deyə Buş yekunlaşdırıb./oxu.az/

Oxşar xəbərlər
OTACI