"Bavariya" “Ayaks”ın futbolçusu Nussair Mazraui ilə razılığa gəlib.
Press.az “Bild”ə istinadən xəbər verir ki, 25 yaşlı müdafiəçi artıq Münhen klubunda tibbi müayinədən keçib.
Mərakeşli futbolçu mövsümün sonunda yeni komandasına qoşulacaq. Onun illik maaşı təxminən 8 milyon avro olacaq. Transferin yaxın günlərdə rəsmən açıqlanacağı bildirilib.
Qeyd edək ki, Mazraui bu mövsüm “Ayaks”ın heyətində bütün turnirlərdə 33 oyuna çıxıb, 5 qol və 4 məhsuldar ötürmə ilə yadda qalıb.