Almaniya Rusiyaya qarşı sanksiyaları bu halda ləğv edə bilər - ŞƏRT

Almaniya kansleri Olaf Şolts Rusiyaya qarşı sanksiyaların ləğvi şərtlərini açıqlayıb.

Press.az xəbər verir ki, o, bunun üçün əvvəlcə Moskva və Kiyev arasında Ukraynanın şərtlərinə uyğun razılıq əldə olunmasını vacib sayıb.

“Rusiya Prezidenti Vladimir Putin ukraynalı həmkarı Volodimir Zelenski ilə razılığa gəlməli olacaq. Ancaq bundan sonra sanksiyaları aradan qaldıra bilərik. Biz buna hazırıq”, - kansler söyləyib.