Məmmədyarovdan heç-heçə

Niderlandın Veyk-an-Zeye şəhərində keçirilən şahmat üzrə "Tata Steel Chess" turniri davam edir.

Press.az xəbər verir ki, şahmatçımmız Şəhriyar Məmmədyarov turnirdə növbəti görüşünü keçirib. 37 yaşlı qrossmeyster 11-ci turda rusiyalı Sergey Karyakinlə üz-üzə gəlib. Ağ fiqurlarla oynayan Məmmədyarov 23-cü gedişdə heç-heçəyə razılaşıb.

Bu nəticədən sonra xallarını 6,5-ə çatdıran Azərbaycan təmsilçisi hələlik 4-cü pillədə qərarlaşıb. Günün digər görüşlərindən sonra Məmmədyarovun mövqeyində dəyişiklik ola bilər.