Ukrayna və Rusiya arasında gərginlik son illərdə ən yüksək həddə çatıb, iki ölkə sərhədləri yaxınlığında Rusiya qoşunlarının toplanması Moskvanın işğala başlaya biləcəyi qorxusunu artırır.
Press.az CNN-in Ukrayna bürosuna istinadən xəbər verir ki, Rusiya hər hansı planlaşdırılan hərbi müdaxilədən əvvəl ölkədə sabitliyi pozmağa çalışır.
Qərb dövlətləri dəfələrlə Rusiyaya Ukraynaya qarşı növbəti təcavüzkar hərəkətlərə qarşı xəbərdarlıq ediblər.
Kreml hücum planlaşdırdığını inkar edir və NATO-nun Ukraynaya dəstəyinin, o cümlədən silah tədarükü və hərbi təlimlərin artırılmasının Rusiyanın qərb cinahında artan təhlükə olduğunu bildirir.