Oğuzda avtomobillər toqquşdu: Xəsarət alanlar var - FOTO

Oğuz rayonunda xəsarətlə nəticələnən yol-nəqliyyat hadisəsi baş verib.

Press.az xəbər verir ki, hadisə Oğuz-Bayan avtomobil yolunun rayon ərazisindən keçən hissəsində qeydə alınıb.

Belə ki, “KamAZ”, “Mersedes-Benz” və QAZ-3110 markalı avtomobillərin toqquşması nəticəsində sonuncu avtomobildə olan sürücü və daha iki nəfər xəsarət alıb.

Yaralılar Oğuz Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.