Yevlax sakinindən “patı” və heroin aşkar edilərək götürülüb

Tərtərdə Yevlax sakinindən “patı” və heroin aşkar edilərək götürülüb.

Daxili İşlər Nazirliyinin Mətbuat Xidmətinin Bərdə regional qrupundan  verilən məlumata görə, Tərtər Rayon Polis Şöbəsinin əməkdaşları tərəfindən keçirimiş tədbirlər nəticəsində narkotik vasitələrin qanunsuz dövriyyəsi ilə məşğul olmaqda şübhəli bilinən şəxs saxlanılıb.

Daxil olmuş məlumat əsasında Tərtər RPŞ-nin əməkdaşlarının həyata keçirdiyi əməliyyat-axtarış tədbirləri nəticəsində Yevlax rayon sakini Elməddin Bayramzadə saxlanılıb. Onun üzərinə baxış keçirilən zaman psixotrop maddə olan metamfetamin (patı) və heroin aşkar edilərək götürülüb.

Faktla bağlı Tərtər RPŞ-də araşdırmalar davam etdirlir.