A seriyasında azarkeşlərlə bağlı məhdudiyyət

İtaliyada epidemioloji vəziyyətin pisləşməsi ilə əlaqədar A Seriyasının rəhbərliyi matçlarda azarkeşlərin iştirakı ilə bağlı yeni məhdudiyyətlər qoyub.

Press.az liqanın rəsmi saytı xəbər verir ki, yanvarın 15-dən fevralın 5-dək olan müddətdə ölkə çempionatının oyunlarına 5 mindən çox tamaşaçı gələ bilməyəcək. Maraqlıdır ki, bu müddət ərzində qonaq sektorları üçün də biletlər satılmayacaq. Bu tədbir azarkeşlərin bir şəhərdən digərinə getməməsi və koronavirusun yayılma sürətini artırmaması üçün atılıb.

Xatırladaq ki, İtaliyada yanvarın 15-dək A Seriyasının oyunlarında stadionların 50 faizinin doldurulmasına icazə verilən qaydalar qüvvədədir.