Levandovski Polşanın ən yaxşı idmançısı seçildi

"Bavariya"nın hücumçusu Robert Levandovski Przegląd Sportowy tərəfindən 2021-ci ildə ölkəsi Polşanın ən yaxşı idmançısı seçilib.

Press.az xəbər verir ki, 33 yaşlı futbolçu karyerasında üçüncü dəfə bu mükafatı alıb. O, daha əvvəl 2015 və 2020-ci illərdə bu nominasiyada qalib olub.

Xatırladaq ki, bundan əvvəl Levandovski 2021-ci ilin sonunda “Qızıl top” uğrunda mübarizədə ikinci olmuşdu. O, FİFA-nın 2021-ci ilin ən yaxşı oyunçusuna verdiyi "The Best" mükafatına da namizəddir.