Millimizin hücumçusu Renat Dadaşovun şərəfini qoruduğu “Tondela” Portuqaliya çempionatında 17-ci tur oyununa çıxıb.
Press.az xəbər verir ki, komanda "Boavişta"nın qonağı olub. Matç 1:1 hesabı ilə başa çatıb. Renat start heyətdə meydana çıxıb və 90 dəqiqə oynayıb. O, 71-ci dəqiqədə görüşdə hesabı açan komanda yoldaşı Aqraya qol ötürməsi verib.
“Tondela” 17 turdan sonra 16 xalla 18 komanda arasında 13-cü pillədə qərarlaşıb.