"Fənərbağça"nın baş məşqçisi məlumdur

Vitor Pereyra ilə yolları ayıran "Fənərbağça" uzun müddətdir ki, baş məşqçi arayışlarını davam etdirir.

Press.az xəbər verir ki, İstanbul təmsilçisi indiyə qədər Yoahim Löv, Niko Kovaç, Kristof Daum, Slaven Biliç kimi mütəxəssislərə təklif göndərib. Lakin sözügedən mütəxəssislərlə ortaq məxrəcə gələ bilməyən "sarı-lacivərtlilər" yola komandanın məşqçisi Zeki Murat Göle ilə davam etməyi qərara alıb.

Belə ki, "Fənərbağça"nı mövsümün sonunadək oyunlara 42 yaşlı mütəxəssis çıxaracaq. 

Qeyd edək ki, Göle 2020-ci ildən Super Liqa təmsilçisində köməkçi məşqçi kimi çalışır.