Bakıda beton bordürün üstünə çıxan sürücü cərimələndi - VİDEO

Bakıda tıxac zamanı ağlasığmaz hərəkət edən sürücü cərimələnib.

Bu barədə Bakı şəhər Dövlət Yol Polisi İdarəsindən Avtosfer.az-a məlumat verilib. İdarənin bölmə rəisi, polis polkovniki Vaqif Əsədov açıqlamasında bildirir ki, tıxacda qalmamaq üçün ayırıcı zolağın üzərindən digər hərəkət hissəsinə keçən sürücünün yayılmış videosuna tərəfimizdən baxış keçirilib.

Araşdırma zamanı sürücünün kimliyi müəyyən edilərək barəsində İnzibati Xətalar Məcəlləsinin 327.1-ci maddəsi ilə protokol tərtib edilib.