Messi bu oyunu buraxacaq

PSJ-nin futbolçusu Lionel Messinin Liqa 1-in 20-ci turunda “Lion”la oyunu buraxacağı gözlənilir.

Press.az xəbər verir ki, bu narədə Fransa mətbuatı məlumat yayıb. 34 yaşlı hücumçu koronavirusdan sağaldıqdan sonra Parisə qayıtsa da,  fərdi məşqlərlə kifayətlənir. O, “Lion”la görüş öncəsi son məşqdə iştirak etməyib. Bu səbəbdən Messinin sözügedən qarşılaşmada meydanda olmayacağı bildirilib. 

Qeyd edək ki, sabah keçiriləcək “Lion” – PSJ oyunu Bakı vaxtı ilə saat 23:45-də başlayacaq.