First slide

Samuxda söyüş üstündə həmyerlisini bıçaqlayan şəxsə hökm oxunub

08 Jan 2022 rating_stars rating_stars rating_stars rating_stars rating_stars

Samux rayonunda həmyerlisini bıçaqlamaqda təqsirləndirilən Allahverdi Yusibova hökm oxunub və o, 3 il 6 ay müddətinə azadlıqdan məhrum edilib.

Press.az-ın əldə etdiyi məlumata görə, bu barədə hökm Gəncə Ağır Cinayətlər Məhkəməsinin hakimi Dadaş İmanovun sədrliyi ilə keçirilən prosesdə elan edilib.

Qeyd edək ki, hadisə 2021-ci il iyulun 27-də Samux rayonunun Hacıalılı kəndi ərazisində yerləşən “İstisu” adlanan subartezian quyusunun yaxınlığında qeydə alınıb.

Belə ki, rayon sakini, 1992-ci il təvəllüdlü A.Yusibov şəxsi münasibətlər zəminində rayonun Lək kənd sakini, 1972-ci il təvəllüdlü Elçin Qənbərovu bıçaqlayıb. Yaralı Gəncə şəhərində yerləşən xəstəxanaların birinə yerləşdirilib. Onun həyatını xilas etmək mümkün olub.

Hadisəni törətməkdə şübhəli bilinən A.Yusibov Samux Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində saxlanılıb.

İstintaq orqanı tərəfindən onun barəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə ittiham irəli sürülüb.

Məhkəmə iclasında dindirilən A.Yusibov özünü təqsirli bildiyini deyib. O ifadəsində deyib ki, hadisə söyüş üstündə olub.

Oxşar xəbərlər
OTACI