Şirvanda avtomobil piyadaları vurub, ölən və xəsarət alanlar var

Şirvanda 1 nəfərin ölümü, 2 nəfərin xəsarət alması ilə nəticələnən yol-nəqliyat hadisəsi baş verib.

“Report”un Aran bürosunun məlumatına görə, hadisə Şirvan-Salyan avtomobil yolunun şəhərin Çılpaqlı qəsəbəsindən keçən hissəsində qeydə alınıb. Belə ki, minik avtomobili 3 piyadanı vurub. Hadisə nəticəsində piyadalardan biri ölüb, ikisi xəsarət alıb.

Yaralılar Şirvan Şəhər Mərkəzi Xəstəxanasına çatdırııb. Onların vəziyyətinin ağır olduğu bildirilir.

Hazırda ölən və yaralıların şəxsiyyəti dəqiqləşdirilir.

Faktla bağlı araşdırma aparılır.